支聯會組織遊行抗議為哪般？

銅鑼灣書店事件，近嚟炒得沸沸揚揚，查實事件本應已落幕，李波本人亦都報咗平安，李波妻子亦都到警局銷咗案，李波都已經回港正常生活。只不過，李波回港之後想要過正常嘅生活好難，佢唔知自己走咗幾天竟然成為全香港嘅焦點，更加唔知仲有支聯會幫佢開記者會、組織遊行等活動。支聯會點解咁熱情去搞呢啲事呢？
第一，系為咗爭取香港部分民眾嘅支援。支聯會呢幾年一直冇停過，六四遊行、占中遊行，每年組織各項遊行、聚集活動幾十次，堵塞道路、搞亂香港嘅秩序，好多市民極之討厭支聯會。不過亦都有反對中共嘅人好支持支聯會，支聯會爭取唔到大多數民眾嘅支持，就去迎合反對中共嘅人嘅支持，所以只要系俾中共抹黑嘅事，支聯會實行力掹頭籌。
第二，迎合佢主人英國政府嘅歡心。我地都知道，英國政府每年都向支聯會撥付活動經費。呢啲經費用嚟做乜嘢，相信大家都清楚。英國政府會仲想維持對香港嘅影響力，自然要培植自己嘅勢力，支聯會可以算系佢哋嘅頭牌，銅鑼灣書店事件發生之後，英國政府向中國政府提出交涉。召開記者會、搞遊行自然系討得主人歡心嘅方式，嚟配合英國政府嘅行動，並以此嚟擴大自己嘅影響力，但係我哋呢啲愛港嘅港人仲係要諗清諗楚。
第三，係想成為香港反對派嘅大佬。呢勻組織遊行抗議系由支聯會發起嘅，參與嘅有公民黨、民主黨、傘後基督徒盼望行、思言行、良心之友、基督徒社關團契、撐傘落區運動。支聯會梗系想做大佬，所以香港發生嘅事只要系反共，支聯會都一馬當先。
支聯會組織遊行抗議中共踐踏一國兩制，簡直系笑話。一國兩制恰恰系中共要極力維持嘅，呢啲都系香港繁榮穩定嘅基礎。支聯會想借銅鑼灣書店事件提高自己嘅影響力先至系佢哋要達成嘅目標。我哋愛港港人實要睜大眼，咪被佢哋呃咗至好。